árni + kristín

Kirkjan og samskiptabyltingin

Ég flutti erindi á málfundi Framtíðarhóps kirkjuþings um daginn. Upptaka með myndum er komin á vefinn.

Í erindinu varpaði ég meðal annars fram þremur tesum sem væri gaman að ræða frekar:

  1. Söfnuðurinn er grunneining kirkjunnar á netinu.
  2. Heimilis- og nýkirkjuguðrækni einkennir trúarlíf á netinu.
  3. Leikir og lærðir tala við sama borð á netinu.

Hvað segið þið?

2 Comments

  1. Takk fyrir þetta. Ég held að það sé mikið til í þessum þremur tesum hjá þér.
    Mér finnst reyndar sambótin ekki alveg ganga upp, siðbótin vildi bæta siðinn en á að bæta samið?
    Ég fór að hugsa um það meðan þú talaðir að á netinu fer fram margs konar valdabarátta um athyglina sem þú nefndir. Fólk hefur áhrifavald og athygli vegna þess að það er vel tengt, eða vegna þess að það beitir penna/bendli á þann hátt að eftirtekt vekur, eða hefur skapað sér einhvern trúverðugleika , eða vegna þess að það er þekkt fyrir glamuryrði og upphrópanir og dónaskap, eða allt af þessu. Og svo tíðkast líka bolabrögð og fylkingar á netinu eins og annars staðar í veröldinni.

    Það er talað um að vatnið sé mikilvægasta auðlind 21. aldarinnar. Mikilvægasta auðlind netsins hlýtur að vera athyglin. Hvernig á að vökva þessa athygli með lifandi vatni? Það er verðug spurning fyrir öll þau sem vilja að Þjóðkirkjan sé hluti af framtíðinni.

  2. Takk fyrir viðbrögðin Sigga.

    Sam-bót vísar til samskipta og samtals. Til þess hvernig samskiptabyltingin leiðir til samtals (þar sem vel tekst til). Þetta er kannski meira orðaleikur en -alvara.

    Þú spinnur þráðinn með baráttuna um athyglina áfram og það er gott. Ég hugsaði erindið mitt meira en upptakt að samtali en nokkuð annað.

Skildu eftir svar