Tíkin Tobba er nýjasti fjölskyldumeðlimurinn. Hún er á fyrsta ári og enn að læra á lífið. Hún er full af leikgleði og finnst gaman að upplifa lífið, sérstaklega með börnunum. Það er gaman að uppgötva heiminn í fylgd með besta vini mannsins, sérstaklega þegar maður er lítill.

Á þrítugasta og níunda gleðidegi þökkum við fyrir gæludýrin sem eru krydd í tilveru ótal margra fjölskyldna á Íslandi.