Síðasta haust kom út sálmahefti með um það bil eitt hundrað og sextíu nýjum sálmum til að syngja í kirkjunni. Sálmabókarnefnd hefur unnið að því að gera sálmana aðgengilega á vefnum og nú er texti þeirra allra í Sálmabókinni á Trú.is. Nefndin hefur líka sett sér það markmið að hægt sé að hlusta á alla sálmana á vefnum. Kristín hefur haft umsjón með því og hún hefur farið milli kirkna með upptökutæki. Afraksturinn eru sautján sálmar sem er hægt að spila á Trú.is:

• 821, Jesús er upprisinn
• 822, Fullar hendur af blómum
• 830, Guð, sem gefur lífið
• 834, Leitið hans ríkis
• 835, Heyr þann boðskap
• 846, Ljósfaðir
• 848, Allt sem Guð hefur gefið mér 
• 852, Í dagsins dýrðarmynd 
• 854, Nú sjáum við sólina rísa
• 858, Þú kemur, Jesús Kristur inn
• 859, Athvarf mitt
• 865, Þú ert Drottinn, dýrð sé þér
• 868, Drottinn, miskunna þú oss
• 875, Dýrð þér, dýrð þér, dýrð þér
• 912, Góði Guð, er ég bið
• 913, Guð í þinni hendi
• 918, Færðu mér ljósið

Þegar gleðidagarnir eru hálfnaðir skulum við syngja saman.

Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.