Páfinn elskar alla, ríka og fátæka jafnt, en Páfinn hefur þá skyldu að áminna, í nafni Krists, hin ríku um að hjálpa þeim fátæku, virða þau og styðja.
Frans páfi, sem gagnrýndi markaðsgullkálfinn.
Páfinn elskar alla, en skammar þá ríku
Quote
1
Author Archives: Árni Svanur
Það var þetta með frítímann
Aside
Á mbl.is er áhugavert viðtal við Mark C. Taylor, prófessor við Columbia háskóla. Hann segir meðal annars:
Hagfræðingurinn John Maynard Keynes hafi í fyrirlestri árið 1928 spáð því að eftir hundrað ár myndu allir aðeins þurfa að vinna 20 ár á viku. „Einu sinni var frítími mælikvarði á félagslega stöðu,“ segir hann. „Nú er það þannig að ef þú ert ekki tengdur allan sólarhringinn alla daga vikunnar ertu ekki mikilvægur. Sumir vinna því allt, allt of mikið. Aðrir vinna hins vegar allt of lítið. Þeir sem vinna of mikið eru flestir sérfræðingar á uppleið í efri stigum samfélagsins.“
Taylor er aðalfyrirlesari á málþingi sem Stofnun dr. Sigurbjörns Einarssonar heldur. Málþingið fjallar um stjórnleysi fjármálamarkaða og ósjálfbærni fjármálakerfisins og er öllum opið. Spennandi.
Bieber+trú
Link
Á Vísi má lesa skemmtilega frétt um nýja BA-ritgerð í guðfræði þar sem ritúöl aðdáenda Justin Bieber eru greind út frá hlutverkaskilgreiningum á trúarbrögðum. Trú mætir menningu!
Gleðidagur 41: Skonsur
Image
Á uppstigningardegi hófst mikið Downtown Abbey maraþon á heimilinu. Það er gaman að kynnast heimilisfólki, ættingjum, vinum og kunningjum í þeim þáttum. Í tilefni þess langar okkur að deila með ykkur mynd af uppáhaldsmat sem er reglulega á borðum í Englandi: Skonsum. Þessar eru reyndar frá kaffihúsinu The Barn í Berlín, en þær eru enskar í anda!
Spjaldtölvuvætt Alþingi
Link
Spjaldtölvuvæðing Alþingis er spennandi verkefni.
Hildur og barnið sem elskar
Aside
Hildur Eir Bolladóttir um ástarjátningu barnsins:
Þegar lítið barn segir við þig „ég elska þig“ þá upplifirðu sennilega hvernig hamingjan getur staðið samsíða óttanum um stund. Þegar barn segir við þig „ég elska þig“ er eins og þér sé skyndilega lyft frá jörðu og eitt augnablik færðu litið inn um gáttir himnanna þar sem ekkert fær staðist nema sannleikurinn einn.
Nákvæmlega.
Lófinn og lífsins bók
Quote
Guð.
Á skírnardegi vorum við nefnd með nafni
og þú skrifaðir nafnið okkar í lífsins bók
og ristir nafnið okkar í lófa þinn
eins og við gerðum á unglingsárum
þegar við vorum skotin í einhverjum
og skrifuðum nafnið þeirra í lófann.
Þau nöfn dofnuðu og hurfu þegar lófinn var þveginn,
en nöfnin okkar okkar dofna ekki,
þau er að eilífu í lófanum þínum.
Takk fyrir að þú þekkir okkur og þekkir nöfnið okkar.
Takk fyrir að þú ert okkar Guð.
Amen.
Morgunbæn á Rás 1, 16. apríl 2013. Innblásið af vini mínum Kristjáni Vali sem er uppáhaldsskáld.
Orðin okkar
Quote
Guð.
Þú skapaðir okkur með hjarta og huga og munn.
Til að elska, hugsa og tala.
Orðin okkar geta dregið fólk niður og sært.
Og þau geta lyft í hæðir, huggað og hlýjað.
Viltu gera hjartað okkar hlýtt í dag,
hugsann umhyggjusaman
og munninn farveg fyrir falleg orð.
Þannig að þau sem við mætum í dag fari frá okkur
léttari í spori og glaðari í hjarta.
Vitandi að þau séu metin, virt og elskuð.
Amen.
Morgunbæn á Rás 1, 15. apríl
Sigga greinir
Link
Sigríður Guðmarsdóttir rýnir í svör oddvita flokkanna í Reykjavík-Suður við spurningu DV um afstöðu til þjóðkirkjunnar. Þetta er fróðlegt.
Sólartakk
Quote
Guð.
Það er svo gott að upplifa sólina á morgnana.
Sjá hana gægjast upp yfir fjöllin og lýsa upp landið.
Horfa mót henni og píra augun og finna ylinn á andlitinu.
Þiggja næringuna sem er í geislum hennar.
Fyrir það viljum við þakka í dag
og biðja þig að gera okkur að sólargeisla
í lífi fólksins í kringum okkur.
Bæði þeirra sem við þekkjum
og hinna sem við þekkjum ekki.
Amen.
Morgunbæn á Rás 1, 13. apríl.