Gleðidagar 2013

Gleðidagur 6: Vonarvakarnir og Eyþór Ingi

Í síðustu viku mátti heyra fallegan söng í troðfullum kirkjum og safnaðarheimilum á Suðurnesjum. Þá setti kór Keflavíkurkirkju upp söngleikinn um rokkstjörnuna Jesú. Fremstur í flokki var söngvarinn Eyþór Ingi sem vann hug og hjörtu samlanda sinna með Evróvisjónlaginulaginu „Ég á líf“. Í kyrruviku flutti hann píslarsöngvana úr söngleiknum með kór og fleiri einsöngvurum. Framundan er svo á gleðidögum að flytja upprisulagið „Ég á líf“ á stóra sviðinu Malmö:

Ég á líf, ég á líf
yfir erfiðleika svíf.
Ég á líf, ég á líf
vegna þín …

Hér er sungið til allra þeirra sem eru upprisu- og vonarvakar í lífi okkar. Til þeirra sem bjóða hjálparhönd þegar móti blæs og hjálpa okkur að sjá að lífið er þrátt fyrir alla erfiðleika harla gott. Kannski getum við litið svo á að Jesús hafi verið fyrstur þeirra og fyrirmyndin okkar í því.

Á sjötta gleðidegi viljum við þakka fyrir þau sem rétta hjálparhönd.

Staðlað

Skildu eftir svar

Netfang þitt verður ekki birt. Nauðsynlegir reitir eru merktir *